El vienres 16 de febreiru emprincipian las xornadas culturales entituladas Calechos d’iviernu, entamadas pola Asociación Cultural Faceira y l’Ayuntamientu de Llión.
(Todas ellas serán a las 19.30 horas)
Licenciáu en Traducción y Interpretación pola Universidá de Salamanca, trabayóu cumo traductor y cumo profesor d’inglés en centros privaos.
Decidíu a ampliar los sous conocimientos no campu de la metodoloxía del enseñu, cursóu’ l máster de Lingüística y Enseñu d’Español pa Extranxeiros de la Universidá de Llión, a traviés del cualu contactóu cola Universidá Estatal de Voronezh (Rusia), onde exercíu cumo lector d’español. Rematóu’l máster con un estudiu de sociolingüística sobre’l fenómenu de la diglosia en Llión que recibíu buenas valoraciones. Aguaño trabaya cumo editor pa una empresa privada.
Los conferenciantes y la temática pa esta edición son:
CHRISTIAN FERNÁNDEZ CHAPMAN: “Diglosia y conflictu lingüisticu no territoriu llionés” (16 de febreiru)ALBERTO FLECHA PÉREZ: “Un averamientu históricu al rexonalismu llionés contemporaniu (sieglos XIX y XX)” (23 de febreiru),
CARLOS HUERTA «EL SOLITO TROVADOR»: “Tradición y creación musical aguaño” (9 de marzu)
ANDRÉS MENÉNDEZ BLANCO “Cuadraos, sucos y clavículas. Los restos de la conquista romana del Noroeste ibéricu no paisaxe llionés” (23 de marzu).
El calechu yera una regunión típica de los puebros de la montaña noroccidental llionesa, concretamente nas comarcas de Ribas de Sil, L.laciana, Babia, Oumaña, L.luna y El Bierciu, onde se conoz col nome de caleyu. Al cabu la tarde, axuntábanse varios vecinos y/ou achegáos na cocina d’unu d’ellos, cono propósitu de pasar d’un xeitu prestosu un buen ratáu antias de cenar nas llargas tardes d’iviernu, estación na qu’había menos que facer que n’outras dóminas del añu.
Cona celebración de Calechos d’iviernu, l’Asociación Cultural Faceira y l’Ayuntamientu de Llión nun solu rinden homenaxe a esta costume, sino que tentando xuncir esparcemientu y educación, tentan d’emponderar y difundir una parte del gran patrimoniu cultural llionés al traviés de cuatru charras sobre cousinas d’eiquí: llengua, rexonalismo, música y historia.
".....También durante el Calechu se acordaba dónde se juntarían por la noche para el filandón.
A diferencia del filandón, el calechu era una reunión diurna y no se solía trabajar, por tanto, tenía un carácter eminentemente lúdico, de ahí el protagonismo de la gente joven en muchos casos."
8 mar. 2011
ALBENTISTATE. Filandón. Narraciones. Llabrandu madreñas y cardandu.
No hay comentarios:
Publicar un comentario